ადიგენის მუნიციპალიტეტის მერია მლაშეს ავარიული ხიდის შესაკეთებლად ტენდერს 619 190 ლარზე აცხადებს. ინფორმაცია სახელმწიფო შესყიდვების სააგენტოს ვებ გვერდზეა განთავსებული.
სატენდერო დოკუმენტის წარდგენის ვადა 20-დან 25 იანვრამდეა შესაძლებელი.
სატენდერო დოკუმენტაციის მიხედვით, ხიდის მშენებლობასთან ერთად იგეგმება ბათუმი–ახალციხის გზიდან მლაშე-მოხის დამაკავშირებელ გზამდე ადგილობრივი მნიშვნელობის გზის რეაბილიტაციაც. სამუშაოებისთვის თანხა სახელმწიფო და ადგილობრივი ბიუჯეტიდან დაიხარჯება.