ახალციხიდან და ადიგენიდან COVID-19-ზე გაგზავნილი პასუხები უარყოფითია

April 1, 2020

ახალციხელ და ასპინძელ მოქალაქეებს, რომლებსაც პნევმონია და მაღალი ტემპერატურა აღენიშნებოდა კორონავირუსი არ დაუდასტურდათ.

“დღეს მივიღეთ პასუხები, ორივეს პასუხი უარყოფითია”- TOK TV-ს განუცხადა საზოგადოებრივი ჯანდაცვის ცენტრის ხელმძღვანელმა, ფატი ხაბულიანმა.

ასევე ვირუსი არ დაუდასტურდა აბასთუმნის ფილტვის ცენტრის კარანტინში მყოფ მოქალაქეს.

“გუშინ მოვიდა პასუხი, ვირუსი არ დაუდასტურდა,”- გვითხრა ფილტვის ცენტრის კლინიკურმა მენეჯერმა, კახა ბერიძემ.

ამ დროისთვის კორონავირუსის – 115 დადასტურებული შემთხვევა, მათ შორის გამოჯანმრთელებული – 22 ადამიანია.

კარანტინის რეჟიმში – 5106 და სტაციონარში მეთვალყურეობის ქვეშ – 294 პირია მოთავსებული.

Leave a Reply