ახალციხის კლინიკა “იმედი” ცხელების ცენტრად გადაკეთდა. კლინიკაში მხოლოდ ცხელებიან პაციენტებს მიიღებენ.

ასევე COVID სასტუმროდ მოეწყო ახალციხის სასტუმრო “გრანდ პალასი”, სადაც საკარანტინო სივრცე იყო განთავსებული. ამის შესახებ სამცხე-ჯავახეთის რწმუნებულის აპარატის უფროსმა, გიორგი მიქელაძემ ბრიფინგზე განაცხადა.

ოფიციალური ინფორმაციით, დღეს სამცხე-ჯავახეთში კორონავირუსის კიდევ 11 ახალი შემთხვევა გამოვლინდა, ორი გამოჯანმრთელდა და ორ გარდაიცვალა, მათ შორის ახალქალაქის სასწრაფო სამედიცინო დახმარების ექიმი.

რაც შეეხება რეგიონულ გადანაწილებას ასეთია: 8 ახალციხის მუნიციპალიტეტში, 2 ნინოწმინდის და 1 ბორჯომის მუნიციპალიტეტში.

დღეს კორონავირუსი დაუდასტურდათ ახალქალაქის მერს, საკრებულოს თავმჯდომარეს და მოადგილეს. აღნიშნული ინფორმაცია ახალქალაქის საზოგადოებრივი ჯანდაცვის ცენტრის ხელმძღვანელმა, ავეტის ტონაკანიანმა დაგვიდასტურა.