ახალციხის სოფელ ურავლის ხეობაში გზისპირა ფერდობები ნაშალი და მოძრავი ქვებისგან გაიწმინდა – ინფორმაციას ახალციხის მერია ავრცელებს.
რა თანხა დაიხარჯა სამუშაოებისთვის და რამდენად მოგვარდა პრობლემა? ამ კითხვებით ჩვენ ახალციხის მერიას დავუკავშირდით. მათი კომენტარი კი ასეთია:
“ურავლის ხეობაში გზისპირა ფერდობები ნაშალი და მოძრავი ქვებისგან გაიწმინდა. აღნიშნულ ტერიტორიაზე, სამუშაოები გზების მოვლა-პატრონობის ფარგლებში პერიოდულად ხორციელდება.”
თემაზე მუშაობდა “საერთაშორისო გამჭვირვალობა- საქართველოც”. რეგიონული კოორდინატორი თამუნა უჩიძე გვიყვება, რომ გასული წლის ბიუჯეტის დაგეგმვის წინ ურავლის ტერიტორიაზე, გზაზე ლოდების ცვენის პრობლემის მოგვარების ინიციატივით მიმართეს მერიას და თან 150 -ზე მეტი ადგილობრივის ხელმოწერაც დაურთეს.
ორგანიზაციაში ფიქრობენ, რომ გაწმენდითი სამუშაოები არ არის საკმარისი და საჭიროა პროცესში კვალფიციური კადრების ჩართვა რათა ცვენის პრევენციის ღონისძიებები დაიგეგმოს.