21:00 დან 05:00-მდე გადაადგილების შეზღუდვა მხოლოდ ახალ წელს და მართლმადიდებლურ შობას მოიხსნება. ინფრასტრუქტურის მინისტრის მოვალეობის შემსრულებლის, მაია ცქიტიშვილის განცხადებით,  უმცირესობებს რელიგიურ დღესასწაულებზე დასწრება არაოფიციალური კომენდანტის საათის პერიოდში დროებითი საშვის საშუალებით შეეძლებათ. 

მისი თქმით კონფესიებმა უნდა მიაწოდონ მრევლის სია ან საშვის მისაღებად დარეკონ 144–ზე.

გადაწყვეტილებამ, რომ შეზღუდვა გადაადგილებაზე მხოლოდ მართლმადიდებლური შობის  ღამეს მოიხსნება,  საზოგადოების ნაწილის, მათ შორის სახალხო დამცველისა და რელიგიური უმცირესობების წარმომადგენლების უკმაყოფილება გამოიწვია.