უაქციზო თუთუნი და სიგარეტი ნინოწმინდაში – შემოსავლების სამსახური

January 12, 2021

ნინოწმინდის მუნიციპალიტეტის სოფელ განძაში, უაქციზო 22 კილოგრამი თუთუნი და 3 120 ღერი სიგარეტი აღმოაჩინეს. ინფორმაციას ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტი ავრცელებს.

დეტალებზე ჩვენ შემოსავლების სამსახურში დავრეკეთ. უწყებაში ინფორმაციის გადამოწმებას დაგვპირდნენ, თუმცა ახალ ჩვენს ზარებს არ პასუხობენ.

იმავე წყაროს ინფორმაციით პირს უაქციზო საქონელი ჩამოერთვა და “სისხლის სამართლის კოდექსით გათვალისწინებული შესაძლო დანაშაულის ნიშნების არსებობის გამო, საქართველოს საგადასახადო კოდექსის 271-ე მუხლის მე-7 ნაწილის შესაბამისად, საქმის მასალები საქართველოს ფინანსთა სამინისტროს საგამოძიებო სამსახურს გადაეგზავნა.”