გრიგოლ ვაშაძე ,,ერთიან ნაციონალურ მოძრაობას” ტოვებს. ფეისბუქ პოსტში ის განმარტავს, რომ არ ეთანხმება პარტიის ხელმძღვანელობის უმრავლესობის მიერ არჩეულ ტაქტიკას. ვაშაძის თქმით, იგი ასევე არ ეთანხმება ოდიოზური ფიგურების გამოჩენას პარტიის გარშემო და მის შიგნით. გრიგოლ ვაშაძემ ასევე აღშფოთება გამოთქვა სტრატეგიული მოკავშირეების დიპლომატიური მისიების ხელმძღვანელების მიმართ “თავდასხმების და შეურაცხყოფის კამპანიის” გამო.
ჩვენ დავინტერესდით, თუ რას ფიქრობენ გრიგოლ ვაშაძის წასვლასთან დაკავშირებით ნაციონალურ მოძრაობის ახალციხის ოფისში. აქ გვეუბნებიან, რომ პარტიის თავმჯდომარის გადაწყვეტილება მათთვის მოულოდნელი იყო.