ახალციხის მუნიციპალიტეტის მერია, ახალციხის ხელოვნური ტბის მიმდებარედ ინფრასტრუქტურის მოსაწყობად 2 000 000 ლარამდე თანხის გამოყოფას გეგმავს. – ინფორმაცია სახელმწიფო შესყიდვების ვებ გვერდზე ვრცელდება. 

სატენდერო დოკუმენტის თანახმად, იგეგმება სპორტული მოედნის, სკვერის და პარკინგის მოწყობა. ასევე, გეგმაშია შიდა საფეხმავლო და ველობილიკების, გარე განათების, ხეივანის და ბავშვთა ატრაქციონების მოწყობა.

მუნიციპალიტეტის მერიაში გვეუბნებიან, რომ თანხა, როგორც  რეგიონული განვითარების ფონდიდან ასევე ადგილობრივი ბიუჯეტიდან გამოიყო.

Toktv.ge