ახალქალაქში მამაკაცმა 4 ადამიანი დაჭრა – შსს

December 11, 2021

დღეს, 11 დეკემბერს ახალქალაქში მამაკაცმა 4 ადამიანი დაჭრა, როგორც შინაგან საქმეთა სამინისტროში გვეუბნებიან პირი უკვე დააკავეს და გამოძიებაც განზრახ მკვლელობის მცდელობის მუხლით დაიწყო.

ადგილობრივი მედია Jnews-ის ცნობით, ახალქალაქის რეფერალურ ჰოსპიტალში 4 ადამიანი სხვადასხვა ხარისხის ჭრილობებით შეიყვანეს.

როგორია დაჭრილების მდგომარეობა ჩვენი რედაქცია საავადმყოფოდან პასუხის მიღებას ელოდება.

გამოძება სსკ-ს 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.