ახალციხეში, ადმინისტრაციულ შენობაში, სადაც საკრებულო და სამხარეო ადმინისტრაცია მდებარეობს კონდიციონერების შესყიდვას გეგმავენ. ამისათვის ტენდერი ახალციხის მერიამ 14 010 ლარზე გამოაცხადა.  

სატენდერო დოკუმენტის მიხედვით, გამარჯვებულმა კომპანიამ ხელშეკრულების გაფორმებიდან 15 დღეში, სხდომათა დარბაზში 3 კონდიციონერი უდნა დაამონტაჟოს.  დოკუმენტის მიხედვით, ტენდერში მონაწილეობა ერთადერთმა პრეტენდენტმა, შპს “ელ შოპი”-მ მიიღო და მერიას იმავე სამუშაოებისთვის 13 500 ლარამდე თანხა შესთავაზა. ამ ეტაპზე მიმდინარეობს შერჩევა/შეფასების პროცესი. 

აქვე გეტყვით, რომ აღნიშნული დარბაზისთვის კონდიციონერების შესყიდვისთვის თანხმობის გასაცემად, საკითხი საკრებულოს სხდომაზე განიხილეს და დეპუტატების უმეტესმა მხარი დაუჭირა.