ტრადიციული და ადგილობრივი პროდუქტების, მათ შორის ადგილობრივი პურისა და ხორბლის, რეგიონის აგროტურისტული პოტენციალის და მოსახლეობის ინიციატივების წარმოჩენა-წახალისების მიზნით ახალციხეში “პურის ფესტივალი” გაიმართება.
ფესტივალი 23 ოქტომბერს, ახალციხის ციხის ტერიტორიაზე გაიმართება, სადაც გამოიფინება ადგილობრივი და ტრადიციული პროდუქტი, სხვადასხვა სახეობისა და ჯიშის ხორბალი და გამომცხვარი პური, ჩეჩილი და ტენილი ყველი, ადგილობრივი პარკოსანი კულტურებისგან დამზადებული კერძები: ბიში, ქადა, ჭირიხტა, ბაქმაზი, ტყლაპი, ჩირები, თაფლი, ღვინო, ლუდი და სხვა.
ღონისძიებაზე, რომელიც ბიოლოგიურ მეურნეობათა ასოციაცია „ელკანა“, რეგიონის დანიშნულების ადგილის მართვის ორგანიზაციასთან ერთად ატარებს, იქნება ხელნაკეთი ნივთების გამოფენა/გაყიდვა, მასტერკლასები და ადგილობრივი ფოლკლორული ფოლკლორული ანსამბლების და და მოწვეული ბენდის კონცერტი.
ასევე, ფესტივალზე გამოავლენენ „ნეიშენალ გეოგრაფიკ საქართველოს“ ფოტოკონკურსის – Yourshot საქართველოს გამარჯვებულებს და დააჯილდოებენ.
დეტალური ინფორმაცია შეგიძლიათ ნახოთ შემდეგ მისამართზე – ( დააჭირეთ აქ )