რამდენიმე წუთის წინ დონალდ ტრამპმა თეთრი სახლი დატოვა.
წასვლისას მან ჟურნალისტებთან მცირე კომენტარი გააკეთა და აღნიშნა, რომ მან თეთრ სახლში ბევრი რამ გააკეთა. მისივე თქმით, მას და მის ცოლს მელანია ტრამპს უყვარდათ ამერიკელი ხალხი.
ტრადიციულად, პრეზიდენტი, რომელიც ოვალურ კაბინეტს ტოვებს, მომავალ პრეზიდენტს, ინაუგურაციის დღეს თეთრ სახლში მასპინძლობს და სწორედ ამის შემდეგ ერთად მიემგზავრებიან კაპიტოლიუმისკენ, ფიცის დადების ცერემონიაზე. თუმცა, დონალდ ტრამპმა ტრადიცია დაარღვია და ინაუგურაციაზე დასწრებაზე უარი თქვა. ის ამერიკის ისტორიაში, ბოლო 150 წლის განმავლობაში, პირველი პრეზიდენტია, რომელიც მომდევნო პრეზიდენტის ინაუგურაციას არ დაესწრება.
ბაიდენის მიერ ფიცის დადების დროს, დონალდ ტრამპი ფლორიდაში გაემგზავრება.