თანამდებობის დატოვებას არ ვაპირებ – ეკატერინე ტიკარაძე

November 24, 2020

ჯანდაცვის მინისტრის განცხადებით, თანამდებობის დატოვებას არ აპირებს. ეკატერინე ტიკარაძის თქმით, ახლა არის ის დრო, როცა მე მაქვს ყველაზე მაღალი პასუხისმგებლობა.

„თანამდებობის დატოვებას არ ვაპირებ, რადგან ვთვლი, რომ სწორედ ახლა არის ის დრო, როცა მე მაქვს ყველაზე მაღალი პასუხისმგებლობა და შესაბამისად, ეს პროცესი გამარჯვებით უნდა დასრულდეს”, – განაცხადა ტიკარაძემ.

ჯანდაცვის მინისტრი ამ განცხადებით გამოეხმაურა მედიაში ბოლო დროს გავრცელებულ ინფორმაციას, რომელიც მის თანამდებობის დატოვებას ეხებოდა.