ახალციხელმა მძლეოსნებმა, საქართველოს ჩემპიონატში 1 ოქროს, 5 ვერცხლის და 1 ბრინჯაოს მედალი მოიპოვეს, – ინფორმაციას ახალციხის მერია ავრცელებს.

ინფორმაციის მიხედვით, გევორქ მეითარჯიანმა 3 000 მეტრ რბენაში ოქროს მედალი, ხოლო 5 000 მ. რბენაში ვერცხლის მედალი მოიპოვა.

აღანიკ კომციანი ვერცხლის მედლის მფლობელი გახდა.

ასია აივაზიანმა გოგონათა შორის 1 500 და 800 მეტრ დისტანციზე რბენებში 2 ვერცხლის მედალი მოიპოვა.

გევორქ სარქისიანმა 800 მ. დისტანციაზე რბენაში ბრინჯაოს მედალი მოიპოვა.

ანი კიურკჩიანმა , ჰაიკ მარქარიანმა, გევორქ სარქისიანმა , ასია აივაზიანმა ესტაფეტაში ვერცხლის მედალი დაიმსახურეს.

მძლეოსნობაში ტურნირი თბილისში ჩატარდა, რომელშიც საქართველოს რეგიონების და მუნიციპალიტეტების ნაკრები გუნდები მონაწილეობდნენ.