ახალციხეში 15 აგვისტოს, “პეინტბოლში” შეჯიბრი გაიმართება – ინფორმაციას ახალციხის მუნიციპალიტეტის მერია ავრცელებს.
როგორც უწყებაში გვითხრეს მსგავსი შეჯიბრი ქალაქში პირველად იმართება და უკვე საკმაოდ ბევრი განაცხადი აქვთ მიღებული.
შეჯიბრში მონაწილეობის მიღება შეუძლიათ ახალციხის მუნიციპალიტეტში მცხოვრებ 15-27 წლის ახალგაზრდებს. მონაწილეობით დაინტერესებულებმა, განაცხადის ფორმა ახალციხის მერიაში 11 აგვისტოს ჩათვლით უნდა შეავსოთ.
