ერთი კვირაა ახალციხის სასწრაფო-სამედიცინო სამსახური დირექტორის გარეშე მუშოაბს. სამსახურის ხელმძღვანელი ერთი კვირის წინ კორონავირუსით გარდაიცვალა. როგორც სასწრაფოს პრესსამსახურში გვითხრეს მიმდინარეობს კონსულტაციები, მანამ კი ვალდებულებებს მოვალეობის შემსრულებელი წარუძღვება.
”ჯერ არ გვყავს შერჩეული კანდიდატი, მიმდინარეობს კონსულტაციები და მალე დავასახელებთ,” – გვითხრეს საგანგებო სიტუაციები,ს კორდინაციის და გადაუდებელი დახმარების ცენტრის პრეს სამსახურში.
ვინ არის ამჟამად მოვალეობის შემსრულებელი უწყებაში არ გვპასუხობენ.
შეგახსენებთ, რომ სასწრაფო-სამედიცინო დახმარების ხელმძღვანელი, თამაზ კაჭკაჭიშვილი კორონავირუსით 18 ნოემბერს გარდაიცვალა. იგი 3 კვირის განმავლობაში თბილისის ერთ-ერთ სამედიცინო დაწესებულებაში მკურნალობდა.
Toktv.ge