ავტორი: მიშო დარბაიძე – 577 681889
ისტორიაში პირველად, საქართველოს ეროვნული საფეხბურთო ნაკრები, ევროპის საფეხბურთო ჩემპიონატზე ითამაშებს, – ევრო 2024-ის საკვალიფიკაციო ეტაპის ფინალურ შეხვედრაში საქართველო საბერძნეთის გუნდს დაუპირისპირდა და 2:4 ანგარიშით დაამარცხა.
მატჩი, გუშინ “დინამო არენაზე” გაიმართა. ძირითადი და სათადარიგო დრო ფრედ, 0:0 დასრულდა, ხოლო ქართველებმა ბერძნების კარში 4 გოლი პენალტების სერიაში გაიტანეს და გამარჯვებაც მოიპოვეს.
რა მოხდება ახლა?
საქართველოს ეროვნული საფეხბურთო ნაკრები ევრო 2024-ის ფინალურ ტურნირში მიიღებს მონაწილეობას, რომელიც გერმანიის ქალაქებში: ბერლინში, დორტმუნდში, დიუსელდორფში, ფრანკფურტში, გელზენკირხენში, ჰამბურგში, კიოლნში, ლაიფციგში, მიუნხენში და შტუტგარტში, 14 ივნისიდან 14 ივლისამდე გაიმართება.
ფინალურ ნაწილში საქართველოსთან ერთად ჯგუფში, პორტუგალიის, ჩეხეთის და თურქეთის საფეხბურთო გუნდები იქნება.
![](https://toktv.ge/wp-content/uploads/2024/03/431543962_960017848827010_5177745625668111955_n-1024x477.jpg)
საქართველო პირველ მატჩს, 18 ივნისს, დორტმუნდში “ვესტფალენშტადიონზე” გამართავს და თურქეთის გუნდს დაუპირისპირდება.
რა არის ევრო 2024
ევროპის საფეხბურთო ჩემპიონატი (ევრო 2024) უეფა-ს მიერ ჩატარებული რიგით მე-17 საფეხბურთო ჩემპიონატია ევროპის ქვეყნის ნაკრებ გუნდებს შორის.
მიმდინარე წელს, ტურნირზე ჩატარდება 51 შეხვედრა, ხოლო ფინალი 2024 წლის 14 ივლისს გაიმართება.
![](https://toktv.ge/wp-content/uploads/2024/03/434216463_957319625760433_8049210749634381288_n-819x1024.jpg)
![](https://toktv.ge/wp-content/uploads/2024/03/434323829_957319502427112_4866509446399883879_n-819x1024.jpg)