საინფორმაციო ცენტრი ნატოსა და ევროკავშირის შესახებ საქართველოს 7 რეგიონში სტაჟირების პროგრამას იწყებს. მათ შორის სამცხე-ჯავახეთშიც. პროექტის «ინფორმირებული და მედეგი საზოგადოების ჩამოყალიბების” ფარგლებში ნატოსა და ევროკავშირის საინფორმაციო ცენტრებში მსურველებს შეუძლიათ 3 თვიანი ანაზღაურებადი სტაჟირება გაიარონ.
სტაჟირების მიზანია, ქვეყნის ევროატლანტიკური ინტეგრაციის მიმართ საზოგადოების გაცნობიერებული მხარდაჭერის შენარჩუნება და განმტკიცება, ასევე ანტიდასავლური პროპაგანდის წინააღმდეგ მედეგობის გაზრდა.
პროექტის ფარგლებში ერთი რეგიონის ოფისში შეირჩევა ორი პირი, რომლებიც სამი თვის განმავლობაში ანაზღაურების სახით 200 $ მიიღებენ.
