საკოორდინაციო საბჭოს გადაწყვეტილებით, დღეიდან 2 თვის განმავლობაში საქართველოში კორონავირუსზე ინტენსიური ტესტირება დაიწყება – ამის შესახებ ბრიფინგზე საკოორდინაციო საბჭოსთან არსებული საოპერაციო შტაბის უფროსის მოადგილემ განაცხადა.
ბერდია სიჭინავას თქმით, ყოველდღიურად სახელმწიფო ჩაატარებს 20 ათასამდე ტესტს და შესაბამისად გაფართოვდება ტესტირების არეალიც.
„აღნიშნულის მიზანს წარმოადგენს, ერთი მხრივ, ინფიცირების შემთხვევების სწრაფ გამოვლენას, რაც მსუბუქი და ნაკლებად მძიმე შემთხვევების თვითიზოლაციაში გადასვლას, საყურადღებო შემთხვევების კოვიდსასტუმროებში განთავსებას, ხოლო მძიმე და კრიტიკული შემთხვევების ჰოსპიტალიზაციას“ – ამბობს ბერდია სიჭინავა.
ინტენსიური ტესტირების პროგრამა 1 თებერვლამდე გაგრძელდება და მასში ყველა შესაბამისი უწყება ჩაერთვება.