ავტორი: მიშო დარბაიძე — 577681889
ასპინძის მუნიციპალიტეტის მერიის მიერ გამოცხადებული ტენდერი, რომლითაც მერიას თოვლისგან და ყინულისგან გაწმენდითი სამუშაოების შეძენა სურდა მეორედ ჩაიშალა. პირველად სამუშაოების შემსრულებელი კომპანია ვერ მოიძებნა, მეორედ კი ერთადერთ პრეტედენტს, შ.პ.ს დავითს დისკვალიფიკაცია ტექნიკური დოკუმენტაციის გამო მიენიჭა, – ინფორმაციას ასპინძის მერიაში გვიდასტურებენ.
მუნიციპალიტეტის მერიაში გვეუბნებიან, რომ შესაძლოა ტენდერი აღარ გამოაცხადონ: “ორჯერ გამოვაცხადეთ და ერთხელ არ შედგა, მეორედ კომპანიას მიენიჭა დისკვალიფიკაცია. ამინდზეა დამოკიდებული შემდგომ გამოვაცხადებთ თუ არა, სატენდერო კომისიამ უნდა გადაწყვიტოს.”
თოვლისაგან და ყინულისგან გაწმენდითი სამუშაოებისთვის მერიიდან 34 000 ლარზე მეტის გამოყოფა იგეგმებოდა.