ახალქალაქში, ვაქცინაციის წამახალისებელი ღონისძიების ფარგლებში დაახლოებით 120 პირი აიცრა. ცენტრალურ პარკში ვაქცინაციის პროცესის პარალელურად გასართობი ღონისძიებაც გაიმართა.
ღონისძიების ფარგლებში ახალქალაქის მოსახლეობას დაავადებათა კონტროლის ეროვნული ცენტრის წარმომადგენლები შეხვდნენ და მათ აცრების მნიშვნელობის შესახებ ინფორმაცია მიაწოდეს. პროგრამის ფარგლებში ახალქალაქის ახალარჩეული მერი, მელქონ მაკარიანი საჯაროდ აიცრა.
პაატა იმნაძის თქმით, კოვიდ19-ის მაჩვენებლები ჩუტყვავილას გაუსწორდა და ვირუსის დასამარცხებლად აცრა უმნიშვნელოვანესია.