ახალციხეში,თამარაშვილის ქუჩის N6 საცხოვრებელი კორპუსის რეაბილიტაცია იგეგმება, რომლისთვისაც მერია 235 ათასამდე ლარის დახარჯვას გეგმავს, – ამის შესახებ ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.
სატენდერო დოკუმენტის მიხედვით, იგეგმება შენობის წინა ფასადის, ავნების, მოაჯირების, კარ-ფანჯრების დემონტაჟი და ახლით შეცვლა.
ტენდერი შერჩევა შეფასების ეტაპზეა. მასში მონაწილეობა ერთადერთმა პრეტენდენტმა, რომლის დირექტორიც ქართული ოცნების შემწირველია, შპს ” ნიუ პროჯექტმა ” მიიღო და სამუშაოების შესრულებისთვის 234 171 ლარი შესთავაზა.
გამარჯვებულმა კომპანიამ, სამუშაოები 2 თვის ვადაში უნდა შეასრულოს.
მუნიციპალიტეტის მერიის ცნობით, თანხა სრულად ადგილობრივი ბიუჯეტიდან გამოიყოფა.
