ბორჯომის ჩამომსხმელი ქარხნის გაფიცულ თანამშრომლებს, პროტესტიდან 21-ე დღეს კომპანიის გენერალური დირექტორი შეხვდა.
როგორც ერთ-ერთი გაფიცული გივი ციცქიშვილი გვეუბნება, კომპანია ნაწილ დათმობებზე წავიდა, ნაწილზე გაფიცულები და მოლაპარაკებების პირველი ეტაპი შედგა. კერძოდ, ციცქიშვილის თქმით, გათავისუფლებული 50 თანამშრომლიდან 48-ს სამსახურში აღადგენენ.
განახლებული ხელშეკრულება 6 თვიანი იქნება, ხოლო ვითარების დასტაბილურების შემდეგ, ხელშეკრულებები გადაიხედება.
მისივე თქმით, მედიაციის პროცესი კვლავ გრძელდება. შეხვედრასთან დაკავშირებით კომენტარს არ აკეთებენ კომპანიაში.
შეგახსენებთ, რომ ორივე ჩამომსხმელი ქარხნის 400–მდე თანამშრომელი 21–ე დღეა გაფიცულია. სანქციების გამო, ნაწილობრივ შეჩერებულია მინერალური წყლის ჩამოსხმაც.