ბორჯომში კლდიდან გადმოვარდნილი პირი მაშველებმა გარდაცვლილი იპოვეს. შემთხვევა დღეს დაახლოებით 12:00 საათზე მოხდა.
ბორჯომში, არდაგნის დასახლებაში, მრავალბინიანი საცხოვრებელი კორპუსების მოპირდაპირე კლდიდან ადამიანი გადმოვარდა. ორ საათიანი სამძებრო სამუშაოების შედეგად, მაშველებმა ახალგაზრდა ქალი გარდაცვლილი იპოვეს. გარდაცვლილის ვინაობა უცნობია. ინფორმაციას ტელეკომპანია ბორჯომი ავრცელებს.
შსს-მ გამოძიება საქართველოს სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.