აბასთუმნის შემოვლითი გზის შეკეთებაზე პასუხისმგებელი კომპანიის დირექტორის, დავით მელიქიძის მკვლელობის საქმეზე გამოძიება უკვე თვეებია მიმდინარეობს. დღეს, ახალციხის რაიონულ სასამართლოში. მორიგი პროცესი გაიმართა. პროცესზე დაიკითხა ერთ-ერთი მთავარი მოწმე რომელიც, მკვლელობის დროს ადგილზე იმყოფებოდა. 

მოწმის ჩვენების მიხედვით, მკვლელობის დღეს მან შენიშნა, რომ ბრალდებულებთაგან ერთ-ერთს ხელში ცეცხლსასროლი იარაღი ეჭირა. ჩვენების მიხედვით, ბრალდებულები ჯერ მასთან მივიდნენ და მათ შორის ფიზიკური დაპირისპირება მოხდა. როგორც მოწმე ამბობს დაპირისპირების დროს დაინახა, როგორ მირბოდა და ისროლა ერთ-ერთმა იმ მიმართულებით, სადაც გარდაცვლილი თანამშრომლებთან ერთად იმყოფებოდა. მისივე თქმით, სამი გასროლის ხმა გაიგო, თუმცა რა მიმართულებით ვერ აკონკრეტებს. 

დღესვე სხდომაზე ბრალდებულების აღკვეთის ღონისძიების პატიმრობის ძალაში დატოვების აუცილებლობის საკითხიც განიხილეს. ადვოკატმა მოითხოვა ბრალდებულების პატიმრობა გირაოთი შეეცვალათ, თუმცა მოსამართლემ შუამდგომლობა არ დააკმაყოფილა.

შემდეგი სასამართლო სხდომა ორ მაისს გაიმართება.

შეგახსენებთ, რომ დაპირისპირება 2021 წლის 23 აპრილს მოხდა. შემთხვევის შედეგად ერთი პირი, დავით მელიქიძე გარდაიცვალა, მეორე, სოსო ვარდიძე კი დაიჭრა. გამოძიება სსკ–ს 108-ე მუხლით მიმდინარეობს, რაც განზრახ მკვლელობას გულისხმობს.

2021 წლის 14 ოქტომბერს პროკურატურის შუამდგომლობის საფუძველზე ბრალდებულებზე ინტერპოლის წითელი ცირკულარით საერთაშორისო ძებნა გამოცხადდა. სამართალდამცავებს ბრალდებულები ჯერ არ დაუკავებიათ და ისინი მიმალვაში იმყოფებიან.