დღეს და ხვალ საქართველოში ძლიერი წვიმაა მოსალოდნელი – ინფორმაციას “გარემოს ეროვნული სააგენტო” ავრცელებს.
ამავე წყაროს ცნობით, 2 მაისის დღის ბოლოდან 3 მაისის დღის ბოლომდე საქართველოში, ხოლო 4 მაისიდან 5 მაისის დილამდე ქვეყნის აღმოსავლეთ ნაწილში, მოსალოდნელია წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება.
უწყება მოსახლეობას მდინარეებზე წყლის დონეების მნიშვნელოვან მატებაზე, პატარა მდინარეებზე, წყალმოვარდნებზე და მეწყრულ-ღვარცოფულ პროცესებზეც აფრთხილებს.