გარდაბნის მუნიციპალიტეტმა 450 ცალი სასაჩუქრე საკვები პროდუქტების პაკეტი შეიძინა. სადღესასწაულო საჩუქრებისთვის ბიუჯეტიდან 45 954 ლარი იხარჯება.

ხელშეკრულება გამარჯვებულ კომპანიასთან შპს ,,ნიკნეულა“-თან 25 თებერვალს გაფორმდა.

მერია 450 ცალ სასაჩუქრე ნაკრებს ხუთი სხვადასხვა დღესასწაულისთვის ყიდულობს: 3 მარტი, აღდგომა, 9 მაისი, 26 მაისი და 1 ივნისი.

სასაჩუქრე ნაკრებების შემადგენლობა განსხვავებულია. 3 მარტს 180 ოჯახი მიიღებს პაკეტს, სადაც იქნება: შაქარი, წიწიბურა, ბრინჯი, ვერმიშელი, ხილის კარამელი, ლობიო, ზეთი, შედედებული რძე, თაფლი, ფქვილი, ნატურალური წვენი და შოკოლადის კანფეტი. სასაჩუქრე პაკეტში სხვადასხვა ქვეყნის წარმოების პროდუქტებია:

რუსულია- შედედებული რძე, წიწიბურა და ზეთი, ქართულია – შაქარი, ფქვილი, ვერმიშელი, ნატურალური წვენი, თაფლი; აზერბაიჯანის წარმოებისაა ხილის კარამელი და შოკოლადის კანფეტი, პაკისტანის წარმოებისაა ბრინჯი. უზბეკეთის მიერ წარმოებულია ლობიო.

ვინ მიიღებს სადღესასწაულო საჩუქრებს- ჩვენ გარდაბნის მერიას დავუკავშირდით. მერიაში ამბობენ რომ გარდაბნის მუნიციპალიტეტის საკრებულოს 32 დადგენილების მიხედვით ( დანართი 2) განსაზღვრულია პროგრამით მოსარგებლე პირები და ნობათის გაცემის წესი. დოკუმენტში წერია, რომ 3 მარტს სასაჩუქრე ნობათს მრავალშვილიანი ოჯახები მიიღებენ.

Tags: გარდაბანი, დედის დღე