კურორტ აბასთუმანში, რუსთაველის N24–ში მდებარე სახლში შუშაბანდის ნაწილი ჩამოიშალა. ავარიულ სახლში, “სამხრეთის კარიბჭის” ცნობით, 7 არასრულწლოვანი ცხოვრობს.
ადიგენის მერი ზაქარია ენდელაძე ჩვენთან საუბარში ამბობს, რომ კრიტიკული მდგომარეობა არ არის და მერია სწავლობს აღნიშნულ საკითხს, რის შემდეგაც მცხოვრებლებს დაეხმარებიან.
,,საგანგაშო მდგომარეობა არ არის, ყველა კარგად არის. სხვა საცხოვრებელ სახლში გადაყვანა არავის უთხოვია, კომისია სწავლობს და რითაც შევძლებთ დავეხმარებით,” – ამბობს ზაქარია ენდელაძე
ფაქტი 29 ივლისს მოხდა, შემთხვევის შედეგად არავინ დაშავებულა.
ინფორმაცია თავდაპირველად “სამხრეთის კარიბჭემ” გაავრცელა.