წალკა-თბილისის გზაზე ავტომობილი 4 პირს დაეჯახა, სამი პირი ადგილზე, ხოლო მეოთხე კლინიკაში გარდაიცვალა – ინფორმაციას შსს ავრცელებს. 

საუბარია, გუშინ, გვიან ღამით მომხდარ ავტოსაგზაო შემთხვევაზე: 4 ადამიანი ემსხვერპლა წალკაში ავტოსაგზაო შემთხვევას – შსს

უწყების ცნობით, პირი რომელიც 4 მოქალაქეს დაეჯახა დაკავებულია, გამოძიება სსკ-ს 276-ე მუხლით მიმდინარეობს.

“მიმდინარე წლის 24 ოქტომბერს, დაახლოებით 02:00 საათზე, კოდა-წალკა-ნინოწმინდის საავტომობილო გზის 67-ე კილომეტრზე წალკიდან სოფელ კოდის მიმართულებით მოძრავი “ფორდის” მარკის ავტომობილი, რომელსაც 1979 წელს დაბადებული ი.გ. მართავდა, მიმდებარე ტერიტორიაზე, გაჩერებული ორი მსუბუქი ავტომანქანიდან გადმოსულ ოთხ მოქალაქეს შეეჯახა.

შეჯახების შედეგად მიღებული დაზიანებებით სამი პირი შემთხვევის ადგილზე, ხოლო მეოთხე კლინიკაში გარდაიცვალა.

მომხდარ ფაქტზე შინაგან საქმეთა სამინისტროში გამოძიება სისხლის სამართლის კოდექსის 276-ე მუხლით მიმდინარეობს. დანაშაულში ბრალდებული ი.გ. დაკავებულია,” – ნათქვამია განცხადებაში.