ახალციხეში, 9 აპრილის ქუჩის N15 საცხოვრებელი კორპუსის რეაბილიტაცია იგეგმება, რომლისთვისაც მერია 168 600 ლარის დახარჯვას გეგმავს, – ამის შესახებ ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.

სატენდერო დოკუმენტის მიხედვით, იგეგმება შენობის წინა ფასადის, აივნების, მოაჯირების, კარ-ფანჯრების დემონტაჟი და ახლით შეცვლა.

წინადადებების მიღება 03-16 აპრილს იწარმოებს. სამუშაოების შესრულების ვადა, ხელშეკრულების გაფორმებიდან ხუთ თვე ნახევარია.

მუნიციპალიტეტის მერიის ცნობით, თანხა სრულად ადგილობრივი ბიუჯეტიდან გამოიყოფა.