ახალციხეში, კლინიკა “ევექსში”, ვაქცინაციის მსურველთა პლატფორმაზე 04 მაისისთვის რეგისტრირებულია 14 პირი, ამათგან 10 “ასტრაზენეკაზე”, 4 “სინოფარმზე”. მსურველთა რეგისტრაციის ფონზე კლინიკაში ამ დროისთვის არცერთი დოზა ვაქცინა არ აქვთ. კლინიკის მენეჯერის, ბესო ბურჯალიანის თქმით, სამედიცინო დაწესებულებაში “სინოფარმსაც” და “ასტრაზენეკასაც” სავარაუდოდ ხუთშაბათს შეიტანენ.

შეგახსენებთ, რომ კლინიკა ევექსი ვაქცინაციის პროცესში 27 აპრილს ჩაერთო. ამ ეტაპზე აქ 10 მოქალაქე აიცრა. სამცხე-ჯავახეთში “ასტრაზენეკაზე” ვაქცინაცია შესაძლებელია მხოლოდ ახალციხეში და ახალქალაქში, თუმცა ამ დრომდე  ახალქალაქში ვაქცინაციის მსურველი არ გამოჩენილა, რის გამოც კლინიკამ 290 დოზა ვაქცინა უკან გააბრუნა.