ჯამში, 22 400 ლარის გადახდას გეგმავს ბორჯომის მერია სამი მომღერლისთვის, რომლებიც 21 ივნისს, ახალგაზრდული ბანაკის დახურვის ღონისძიებაზე იმღერებენ, – მუნიციპალიტეტის მერია, მომღერლების ირაკლი  ნოზაძისთვის, თიკა ჯამბურიასთვის და DJ ალექსანდრე ლორთქიფანიძისთვის ჰონორარების გადახდას ექსკლუზიური უფლების ფარგლებში გეგმავს, პროცესი განხილვის ეტაპზეა. 

დოკუმენტების მიხედვით ირკვევა, რომ “ქუჩის ბიჭების” ერთ-ერთ წევრს ირაკლი ნოზაძეს, რომლის წევრი ასევე სამცხე-ჯავახეთის სახელმწიფო რწმუნებულის მოადგილე, ზურა ხაჩიძეცაა, ბორჯომის მერია 10 000 ლარს გადაუხდის, მომღერალ თიკა ჯამბურიას  6 000 ლარს, ხოლო დიჯეი ალექსანდრე ლორთქიფანიძისთვის 6 400 ლარია გათვალისწინებული. 

გარდა ამისა, ბორჯომის მერიამ დიჯეი ალექსანდრე ლორთქიფანიძეს 3 828 ლარი გადაუხადა, ყაზახეთის რესპუბლიკის ქალაქ ატირაოდან ჩამოსული ახალგაზრდებისთვის დაგეგმილ ღონისძიებაში მონაწილეობისთვის.