4,6 წლიანი პატიმრობა მიუსაჯეს პროევროპული აქციების მონაწილე ანრი კვარაცხელიას, – გადაწყვეტილება დღეს გახდა ცნობილი.
კვარაცხელიას განსაკუთრებულ დავალებათა დეპარტამენტის თანამშრომლებისთვის ე.წ მოლოტოვის კოქტეილის სროლას ედავებიან.
„დიდი მადლობა ჩემს საქმეებზე რომ დადიხართ… რა წლებიც არ უნდა მომისაჯოთ, მაგას ჩემთვის არსებითი მნიშვნელობა არ აქვს. მე დღეს ამაყი ვარ, რომ ჩემი ქვეყნის გვერდით ვიდექი“, – თქვა კვარაცხელიამ განაჩენის გამოცხადებამდე.
ცნობისთვის, კვარაცხელიას საქმეში არ არის პოლიციელი, რომელიც ე.წ. მოლოტოვის კოქტეილის სროლის შედეგად დაზიანდა. თუმცა, გდდ-ს ორ თანამშრომელს, რომლებმაც სასამართლოზე თქვეს რომ მოლოტოვის კოქტეილი არ მოხვედრიათ და მხოლოდ ასფალტზე გაჩენილი ცეცხლი ჩააქრეს, დაზარალებულის სტატუსი აქვთ.