ავტორი: მირანდა ფუტკარაია

გარდაბნის მუნიციპალიტეტში ფეხის ჩოგბურთის მოედნის მოწყობა იგეგმება,რომლისთვისაც  48 000 ლარია გათვალისწინებული- ამის შესახებ სახელმწიფო შესყიდვების სააგენტოს ვებ-გვერდიდან ხდება ცნობილი.

სატენდერო კომისიის აპარატის წევრის თქმით, თანხა ადგილობრივი ბიუჯეტიდან გამოიყოფა.  საპროექტო-სახარჯთაღრიცხვო დოკუმენტაციით, გათვალისწინებულია მოედნის  ხელოვნური საფარის, განათების  მოწყობა და შესაბამისი ინვენტარით  აღჭურვა .

წინადადებების მიღება  22 -25 აპრილამდე  იწარმოებს. გამარჯვებულმა კომპანიამ  ნაკისრი ვალდებულება ხელშეკრულების გაფორმებიდნა 60 დღეში უნდა შეასრულოს.

არსებობდა თუ არა აქამდე გარდაბანში ფეხის ჩოგბურთის მოედანი და რა პრიორიტეტის მიხედვით შეირჩა მუნიციპალიტეტში მისი მოწყობა,- კითხვებით მერიის პრესსამსახურს მივმართეთ, უწყებიდან პასუხის მიღების შემთხვევაში მასალა განახლდება.