ბოლო 24 საათის განმავლობაში ნინოწმინდის მუნიციპალიტეტში კორონავირუსის კიდევ ერთი ახალი შემთხვევა გამოვლინდა – ინფორმაციას სამცხე-ჯავახეთის რწმუნებულის აპარატის უფროსი, გიორგი მიქელაძე გვიდასტურებს.

ოფიციალური ინფორმაციით, ამ დროისთვის მუნიციპალიტეტში 14 კოვიდინფიცირებულია.

გიორგი მიქელაძეს თქმით, მიმდინარეობს წყაროს მოკვლევა.

“ჯერ არ ვიცით ინფიცირებულთან კონტაქტში იყო თუ სხვა ფორმით დაავადდა, მიმდინარეობს მოკვლევა,” – გვითხრა მიქელაძემ

მისივე თქმით, ასევე უცნობია ახალციხის მუნიციპალიტეტში გამოვლენილი კორონავირუსის შემთხვევის ინფიცირების წყაროც.

ოფიციალური ინფორმაციით, COVID-19-ის შემთხვევები რეგიონში ასე ნაწილდება: ადიგენი – 28, ნინოწმინდა – 13 ახალქალაქი – 7 ასპინძა – 2 ახალციხე – 1

StopCov.ge-ს ინფორმაციით, დღეს საქართველოში კორონავირუსის 519 ახალი შემთხვევა გამოვლინდა და სულ 11 271 – ს შეადგენს