„ვირუსის გავრცელების დღევანდელი ციფრები უნდა გვაშფოთებდეს,“ – ასე ეხმიანება საქართველოს პრეზიდენტი ქვეყანაში კოვიდ ვითარებას, რომელიც ოფიციალური მონაცემებით დღეს რიცხვებში შემდეგნაირად გამოიხატა:
გასული დღე ღამის განმავლობაში, საქართველოში კორონავირუსის 4827 ახალი შემთხვევა დაფიქსირდა, გარდაიცვალა 34 პირი.
მისივე თქმით, ვაქცინაციის მოწინააღმდეგეებს უნდა ესმოდეთ, რომ მათი დამოკიდებულება არც პიროვნული არჩევანია, არც თავისუფლების გამოხატულება.
„მათი ქცევა პირდაპირ საფრთხეს უქმნის სხვას, საკუთარი ოჯახის წევრს, მეზობელს, ნაცნობს და სინამდვილეში ამ პატარა ქვეყნის მოსახლეობას, მის ჯანმრთელობას, მის სიცოცხლისუნარიანობას, ე.ი. მის მომავალს… ნამდვილი პატრიოტიზმი არც ტრაბახი, არც ძალადობა და არც კუნთების თამაშშია. დღეს პატრიოტიზმი და ვაჟკაცობა გადის ვაქცინაციაზე, საზოგადოებრივ თვითშეგნებასა და პასუხისმგებლობაზე.“
ინფორმაციას პრეზიდენტის ადმინისტრაცია ავრცელებს.