მილიონ ლარზე მეტის დახარჯვა იგეგმება წალკის სოფელ თრიალეთი-კავთის დამაკავშირებელი საავტომობილო გზის რეაბილიტაციისთვის.

ტენდერი უკვე გამოცხადდა, – ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.

სატენდერო დოკუმენტის მიხედვით, იგეგმება 2 კილომეტრამდე გზის რეაბილიტაცია, რომელიც ასევე დოკუმენტის მიხედვით არის დაზიანებული და მოსახლეობას გადაადგილების პრობლემას უქმნის.

წინადადებების მიღება 11-16 მარტს იწარმოებს და თანხის ნაწილი, 95 % სახელმწიფო, ხოლო დანარჩენი 5 % ადგილობრივი ბიუჯეტიდან გამოიყოფა.