ბათუმელებისა და ნეტგაზეთის დამფუძნებლის, მზია ამაღლობელის საქმეზე, სასამართლომ 17 მოწმე, 18 ვიდეო მტკიცებულება, 13 დათვალიერების ოქმი და 14 წერილობითი მტკიცებულება, საქმიდან ამოიღო, – ინფორმაციას “საქართველოს ახალგაზრდა იურისტთა ასოციაცია” ავრცელებს. 

ორგანიზაციაში მიუთითებენ, რომ მოსამართლემ ეს გადაწყვეტილება, ბრალდების მხარის შუამდგომლობის საფუძველზე მიიღო.

“სასამართლოს ამ გადაწყვეტილებას არ მოეძებნება პრეცედენტი ქართულ მართლმსაჯულებაში.”

ასვე, “საიაში”  მიუთითებენ, რომ მზია ამაღლობელი არათუ უკანონო პატიმრობაში რჩება, არამედ – მას ჩამოართვეს თავის დაცვის უფლება. 

“მიგვაჩნია, რომ მზია ამაღლობელი არა მხოლოდ რჩება უკანონო პატიმრობაში, არამედ მას ქართულმა მართლმსაჯულებამ დემონსტრაციულად  ჩამოართვა უფლება დაიცვას თავი და ამტკიცოს საკუთარი უდანაშაულობა,” – ნათქვამია განცხადებაში.  

მზია ამაღლობელის სასამართლო სხდომა გუშინ გაიმართა, იგი პატიმრობაში დატოვეს. 

“ფაქტობრივად სასამართლომ დაცვის უფლების გარეშე დატოვა,” – გვეუბნება, ნანა კვაჭაძე, “ბათუმელების” რედაქტორი.