თოვლის და ქარბუქის გამო, საერთაშორისო მნიშვნელობის ახალქალაქი-კარწახის (თურქეთის რესპუბლიკის საზღვარი) საავტომობილო გზის კმ1-კმ36.5 მონაკვეთზე, მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა აკრძალულია. დანარჩენი სახის ავტოტრანსპორტის მოძრაობა თავისუფალია. უწყებაში, TOK TV-ს განუმარტეს, რომ ამ წუთებში გაწმენდითი სამუშაოები მიმდინარეობს. “ტექნიკა მუშაობს, მაგრამ ცუდი ამინდის გამო რამდენად მოხერხდება დღესვე გზის გათავისუფლება არ ვიცით,”- განმარტავენ დეპარტამენტში. ინფორმაციას საავტომობილო გზების დეპარტამენტი ავრცელებს.