მესხეთის კულტურულ მრავალფეროვნებას ბევრი გარემოება წარმოაჩენს, მათ შორისაა ისტორიული, მაგრამ მივიწყებული და საფრთხის ქვეშ არსებული რელიგიური საკულტო ნაგებობები. მათ შორის არის ქართველი მუსლიმების მიერ აშენებული მეჩეთები.
![](https://toktv.ge/wp-content/uploads/2020/08/IMG_3550-2-1024x683.jpg)
სოფელი ფერსა სამცხე-ჯავახეთის რეგიონში, ახალციხის მუნიციპალიტეტში მდებარეობს.
ფერსას მეჩეთი აგებულია მე-20 -საუკუნის დასაწყისში, ადგილობრივი მუსლიმი მესხების მიერ, რომლებიც 1944 წელს შუა აზიაში გადაასახლეს.
![](https://toktv.ge/wp-content/uploads/2020/08/20200802_123633-1024x576.jpg)
![](https://toktv.ge/wp-content/uploads/2020/08/20200802_123524-1-1024x576.jpg)
ახალციხის მუნიციპალიტეტის სოფელ საყუნეთში შემორჩენილია 1927 წელს აგებული მეჩეთი. რომელიც ქრისტიანული ტაძრის მოპირდაპირედ მდებარეობს.
![](https://toktv.ge/wp-content/uploads/2020/08/IMG_3434-1024x683.jpg)
სოფელში შემორჩენილი გადმოცემის თანახმად, გადმოცემის თანახმად მეჩეთი აუშენებიათ ადიგენელ მუსლიმებს, ხურცისძესა და იორდანისძეს. ისინი მოსალოცად მექაში იმყოფებოდნენ, საიდანაც დაბრუნების შემდეგ მეჩეთი სოფელშიც აუშენებიათ.
![](https://toktv.ge/wp-content/uploads/2020/08/IMG_3435-1-1024x683.jpg)
რაც შეეხება სოფელ ზიკილიას, აქ არსებული მეჩეთი 1897 წელს არის აგებული, ადგილობრივი მუსლიმი მესხების მიერ. დარგის მცოდნეები მას არქიტექტურული ტიპით არ განასხვავებენ სამცხე-ჯავახეთში გავრცელებული მეჩეთებისგან. ასევე ამსგავსებენ აჭარულ და ლაზურ ჯამეებს.
![](https://toktv.ge/wp-content/uploads/2020/08/IMG_3492-1024x683.jpg)
ფერსას, საყუნეთის და ზიკილიის მეჩეთებს 2012 წელს კულტურული მემკვიდრეობის ძეგლის სტატუსი მიენიჭა.
ფოტოები მოგვაწოდა: კავკასიურმა ინსტიტუტმა – რუსუდან აფციაური