Վրաստանի բանկի վճարային տերմինալ՝ դրամարկղային ապարատի գործառույթով

®️

0% միջնորդավճար քարտային վճարումների համար՝ միկրո և փոքր բիզնեսների համար

Վրաստանի բանկը շարունակում է աջակցել միկրո և փոքր բիզնեսներին և նրանց առաջարկում է նոր վճարային տերմինալ՝ դրամարկղային ապարատի գործառույթով։

Տերմինալը բիզնեսներին հնարավորություն է տալիս մեկ սարքով փոխարինել ինչպես ստանդարտ վճարային տերմինալները, այնպես էլ դրամարկղային ապարատները, ինչը զգալիորեն պարզեցնում է բիզնես գործընթացները և նվազեցնում ծախսերը։

Առաջարկի շրջանակում միկրո և փոքր բիզնեսները, որոնք առաջին անգամ կպատվիրեն տերմինալ մինչև 2026 թվականի դեկտեմբերի 31-ը, երեք ամիս կօգտվեն տերմինալի սպասարկումից առանց միջնորդավճարի։

Բացի այդ, Վրաստանի բանկի և այլ վրացական բանկերի քարտերով կատարված գործարքների դեպքում նրանց համար կգործի 0% միջնորդավճար։

Մասնավորապես՝

• Միկրո բիզնեսի համար (ամսական շրջանառությունը՝ մինչև 2 000 լարի)․

• Վճարային տերմինալից օգտվելը առաջին 3 ամիսների ընթացքում հնարավոր է առանց միջնորդավճարի, իսկ դրանից հետո կգործի ֆիքսված ամսական վճար՝ 60 լարի։

• Միջնորդավճարը Վրաստանի բանկի և այլ վրացական բանկերի քարտերով վճարումների համար՝ 0% (բացառությամբ AMEX վարկային քարտերի)։

• Փոքր բիզնեսի համար (ամսական շրջանառությունը՝ մինչև 7 500 լարի)․

•Վճարային տերմինալից օգտվելը առաջին 3 ամիսների ընթացքում հնարավոր է առանց միջնորդավճարի, իսկ դրանից հետո ֆիքսված ամսական վճարը կկազմի 80 լարի։

«Վրաստանի բանկում մենք մշտապես աշխատում ենք ձեռնարկատերերին առաջարկելու նորարարական և նրանց կարիքներին համապատասխանեցված ֆինանսական լուծումներ, որոնք կնպաստեն բիզնեսի աճին և զարգացմանը։

Հենց այս նպատակին է ծառայում դրամարկղային ապարատի գործառույթով մեր վճարային տերմինալը, որը միավորում է երկու անհրաժեշտ սարք և ձեռնարկատերերին հնարավորություն տալիս առավել արդյունավետ կառավարել իրենց գործառնությունները։

Նոր առաջարկի շրջանակում բիզնեսները լրացուցիչ հնարավորություն են ստանում առաջին երեք ամիսների ընթացքում անվճար օգտվել տերմինալից, իսկ Վրաստանի բանկի և այլ վրացական բանկերի քարտերով վճարումներ ընդունել 0% միջնորդավճարով (բացառությամբ AMEX վարկային քարտերի)։

Մենք արդեն սպասարկում ենք ավելի քան 32 հազար մերչանտի, ինչը ևս մեկ անգամ հաստատում է, որ Վրաստանի բանկը բիզնեսի գլխավոր գործընկերն է», – հայտարարել է Վրաստանի բանկի վճարային բիզնեսի ուղղության ղեկավար Լևան Կոբախիձեն։

Տեղեկության համար՝ առաջարկի պայմաններից օգտվելու համար անհրաժեշտ է, որ մերչանտը հաշիվ ունենա Վրաստանի բանկում։ Եռամսյա արտոնյալ ժամանակահատվածը կգործի մինչև 2026 թվականի դեկտեմբերի 31-ը գրանցվելու դեպքում։

Ակցիայի պայմանների վերաբերյալ մանրամասն տեղեկություններ ստանալու համար այցելեք Վրաստանի բանկի պաշտոնական կայք։