რატომ გაჩერდა ახალციხეში, რუსთაველის ქუჩაზე აფეთქების შედეგად დაზიანებული კორპუსის სარეაბილიტაციო სამუშაოები? თემას ჩვენ მორიგ ჯერზე მას შემდეგ დავუბრუნდით, რაც კორპუსის ბინადრებმა მოგვმართეს.
ჩვენი რედაქციის მიერ 21 თებერვალს მომზადებულ რეპორტაჟში კომპანიის დირექტორი ამბობდა, რომ შეჩერება დროებითი იყო, რაც მასალების არ ქონის უკავშირდებოდა. მას შემდეგ 18 დღე გავიდა, თუმცა კომპანიაში კვლავაც გვეუბნებიან, რომ ისევ მასალების მოლოდინში არიან.
გაჭიანურებული რეაბილიტაციის შესახებ კითხვა ჩვენ ახალციხის მერს, ირაკლი ლაზარაშვილსაც დავუსვით. მერის თქმით, სურთ კონსტრუქტორები ჩამოიყვანონ, რომლებმაც პროექტზე იმუშავეს კიდევ შეამოწმონ შენობა, რათა რეაბილიტაციის შემდეგ სრულიად უსაფრთხო იყოს მაცხოვრებლებისთვის.