ხვალიდან, ბაკურიანში 2023-24 წლის ზამთრის სათხილამურო სეზონი იხსნება, დიდველზე და კოხტაზე სრიალი ხვალ, 10:00 იქნება შესაძლებელი, – ამის შესახებ ინფორმაციას ბაკურიანის განვითარების სააგენტო ავრცელებს.

ინფორმაციის მიხედვით, 22 და 23 დეკემბერს, კოხტას მთის ზედა ტრასაზე – კოხტა გორაზე, ფრისტაილის მსოფლიო თასი ჩატარდება. უწყების მიერ გავრცელებული ინფორმაციის მიხედვით, მიდმინარეობს ბაკურიანის სასრიალო არეალების ხელოვნური გათოვლიანება.