Tərcüməçi: Rustam Mailov

Qardabanının bir neçə kəndinin şagirdləri illərdir ki, məktəbə getmək üçün nəqliyyat kirayələmək məcburiyyətində qalıblar.

Təzəkənd və Kvemo Kəpənəkçi dövlət məktəblərinin şagirdləri 9-cu sinifdən sonra. Qardabani dövlət məktəblərinə gedirlər. Bu kəndlərin məktəblərində məktəb təhsili yalnız 9-cu sinfə qədər verilir.

Tələbələr Qardabaniyə qədər 3-7 kilometr piyada getməlidirlər. Nəqliyyat çatışmazlığı problemi Qardabani kəndlərində yaşayan, və şəhər məktəbində oxuyan digər siniflərdə oxuyan şagirdləri də əhatə edir. Bu, onların seçimidir, çünki daha yaxşı öyrənmək istədiklərini deyirlər, xüsusən də gürcü dilini.

• “Oğlumun gürcü dilini yaxşı bilməsini istəyirəm, ona görə də şəhər məktəbinə üstünlük verirəm”.
• “Valideynlərim gürcü dilini yaxşı öyrənməyimi istəsələr də, kənddən şəhərə getmək mənim üçün çətindir”, – Nazarlo kəndindən olan şagird deyir.

Kvemo Kəpənəkçi və Təzəkənd məktəblərinin direktorları bizə ancaq şəxsi söhbətlərində deyirlər ki, valideynlər və şagirdlər nəqliyyatı özləri icarəyə götürürlər.

Tələbələr üçün nəqliyyatın ayrılması zərurəti ilə bağlı Qardabani bələdiyyəsinin resurs mərkəzinə müraciət etdik. Resurs mərkəzinin rəhbəri İrina Kiria bizə bildirdi ki, Qardabani bələdiyyəsində məktəb nəqliyyatı 18 məktəbin 2862 şagirdinə xidmət göstərir. Onun sözlərinə görə, məktəb nəqliyyatın ayrılması ilə bağlı sorğu göndərməlidir, ondan sonra məsələ həllini tapacaq.

Təzəkənd və Kvemo Kəpənəkçi məktəblərinin şagirdləri üçün niyə nəqliyyat ayrılmır? Resurs mərkəzi cavab verdi ki, müvafiq sorğu yoxdur. Əgər kimsə gəlib tələbat olsa, mütləq təmin olunacaq”.

Nəqliyyat, peşəkar kadr çatışmazlığı və məktəblərin kadr dəyişikliyinə daha az açıqlığı – birlikdə regionlarda, xüsusən etnik azlıqların yaşadığı bələdiyyələrdə, keyfiyyətli məktəb orta təhsilinin qarşısını alır, – təhsil məsələləri üzrə mütəxəssis Natia Qorqadze deyir.

Təhsil sistemi etnik azlıqların gürcü dilini öyrənməsi üçün imkanlar yaratmalı və eyni zamanda onların dillərini qorumalıdır.Bunun üçün dövlət yerli işçi qüvvəsinin potensialını maksimum dərəcədə artırmalı və onlara gürcü dilində tədris və müəllimlərin peşəkarlığının artırılması üçün hazırlıq proqramları təklif etməlidir, Sosial Ədalət Mərkəzinin 2022-ci il üçün araşdırmasında qeyd olunur. Bu barədə “Gürcüstanın azlıqları: inteqrasiya yolunda mövcud maneələrin məhv edilməsi” sənədində qeyd olunur.