ახალციხეში კოსტავას ქუჩის ტროტუარი დაახლოებით ერთი კვირაა გადათხრილია, რაც ფეხით მოსიარულეთა გადაადგილებას აფერხებს.
ზუსტად როდის მოხდა დაზიანება და რამდენ ხანში დასრულდება სარეაბილიტაციო სამუშაოები „საქართველოს გაერთიანებული წყალმომარაგების კომპანიის ახალციხის სერვის ცენტრში“ ინფორმაცია არ აქვთ.
“ერთ კვირაზე მეტია გათხრილია, ძველი საბჭოთა დროინდელი მილებია და ვერც ხვდებიან საიდან გამოდის წყალი და რა უნდა გააკეთონ.” – გვიყვება კოსტავს ქუჩაზე გამვლელი.
“დაზიანებულია წყლის მილი და სარეაბილიტაციო სამუშაოები დაიწყება მომავალი კვირის ორშაბათს ან სამშაბათს“ – განმარტავს „საქართველოს გაერთიანებული წყალმომარაგების კომპანიის ახალციხის სერვის ცენტრის“ მენეჯერ გია გოგოლაური.