დღეს ახალციხეში, N6 საჯარო სკოლასთან ავტოსაგზაო შემთხვევა მოხდა. როგორც ადგილზე თვითმხილველებმა გვითხრეს, ბავშვი გზაზე გადარბოდა, რა დროსაც მანქანა დაეჯახა.
სასწრაფო სამედიცინო დახმარების ჯგუფმა, ბავშვი კლინიკა „იმედში“ გადაიყვანა.
როგორც კლინიკური მენეჯერი მზია კაკოშვილი გვეუბნება, მოსწავლეს მსუბუქად ხელი ჰქონდა დაზიანებული. მისივე თქმით, სამედიცინო დახმარების გაწევის შემდეგ ბავშვი კლინიკიდან გაწერეს.
შინაგან საქმეთა სამინისტრომ ფაქტზე გამოძიება საქართველოს სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.