ასპინძის სოფელ ოშორაში, სპორტული მოედნის მშენებლობისთვის, მერია 170 000 ლარზე მეტი ღირებულების ტენდერს აცხადებს. ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.
სატენდერო დოკუმენტის მიხედვით, მოედანზე იგეგმება როგორც ფეხბურთის კარების ისე – კალათბურთის ფარების და ფრენბურთის ბადის მოწყობაც.
ამავე დოკუმენტების მიხედვით, კომპანიამ ხელშეკრულების დადებიდან სამ თვეში უნდა მოაწყოს სპორტული ინფრასტრუქტურა.