ადიგენის, სოფელ არზნეში ხელოვნურ საფარიანი მინი მოედნის მოწყობა იგეგმება, რისთვისაც მუნიციპალიტეტის მერია 144 311 ლარის დახარჯვას გეგმავს. ტენდერი უკვე გამოცხადდა,- ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.
სატენდერო დოკუმენტის მიხედვით, იგეგმება მოედნის კედლების, საძირკველის და საყრდენების მოწყობა,ღობის რკინის კონსტრუქციის მოწყობა, მოედანზე ხელოვნური საფარის და განათების მოწყობა.
წინადადებების მიღება 14-17 მარტს იწარმოებს და თანხა ადგილობრივი ბიუჯეტიდან გამოიყოფა.