ფოტო: არქივი
რა დაზიანებები მიიღეს და როგორია იმ პირების ჯანმრთელობის მდგომარეობა, რომლებიც ახალციხეში ავტოსახელოსნოში საბურავის გახეთქვის შედეგად დაშავდნენ? – შემთხვევის შემდეგ დაშავებული პირები ახალციხის რეფერალურ ჰოსპიტალში გადაიყვანეს.
კლინიკის საზოგადოებასთან ურთიერთობის სამსახურში გვეუბნებიან: “ერთს მხარი ჰქონდა ამოვარდნილი, მეორეს კანზე მცირე დაზიანებები – ეს პირები იმ დღესვე გაწერეს. მესამეს კისრის არეში ჰქონდა ჭრილობა, ოპერაცია გაუკეთეს და ახლა მისი მდგომარეობა სტაბილურია. პაციენტი კლინიკაში განაგრძობს მკურნალობას.”
შემთხვევა შაბათს, 26 მარტს მოხდა. შსს-ში გვეუბნებიან, რომ გამოძიება სსკ-ს 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.