ახალციხეში, მეხუთე საჯარო სკოლის მიმდებარედ ბავშვს მანქანა დაეჯახა. როგორც ერთ-ერთი ადგილობრივი ჩვენთან საუბარში ამბობს, მოსწავლეს მცირედი დაზიანება ჰქონდა.
შემთხვევა დღეს მოხდა. გადაიყვანეს თუ არა ბავშვი საავადმყოფოში? როგორც 112-ში გვეუბნებიან, მათთან გამოძახება არ დაფიქსირებულა. ავარიის შედეგად დაშავებული ბავშვი არ მიუყვანიათ არც კლინიკა “იმედში” და არც “ევექსში,” – ინფორმაციას კლინიკის წარმომადგენლები გვიდასტურებენ.
შსს-მ გამოძიება საქართველოს ადმინისტრაციულ სამართალდარღვევათა კოდექსის 125-ე მუხლით დაიწყო, რაც სატრანსპორტო საშუალების მძღოლის მიერ საგზაო მოძრაობის წესების დარღვევას გულისხმობს.
თავდაპირველი ინფორმაცია “სამხრეთის კარიბჭემ” გაავრცელა.